კანიე უესტს ბოლო წლებია დიზაინერის როლში უფრო ხშირად ვხედავთ, ვიდრე მიკროფონთან, თუმცა თუ მისი ბრენდის Yeezy-ს პოპულარობას გავითვალისწინებთ, ამაში მისთვის ცუდი არც არაფერია. 42 წლის რეპერი ხშირად ჩნდება საკუთარი ბრენდის სამოსით და რამდენიმე საათის წინაც, უახლესი დიზაინით შექმნილი ფეხსაცმლით გამოჩნდა.
სამოსი, რომელიც მან შეარჩია ფერისა და დიზაინის გამო სოციალურ ქსელებშის სახალისო კომენტარების წყარო გახდა, "აქამდე მეგონა, რომ კროქსი იყო ყველაზე მახინჯი ფეხსაცმელი,", "ეს მგონი ცირკისთვის არის".. სწორედ ამ კომენტარებით ამკობენ დიზაინერის მორიგ ფურორს.
თუმცაღა, კანიე მსგავს გამოხმაურებას მიჩვეულია და ისიც კარგად ვიცით, რომ მალევე ის ადამიანები, რომლებიც მას აკრიტიკებდნენ, თავადვე მიემართებიან სამოსის შესაძენად. რაც შეეხება ამ კონკრეტულ ფეხსაცმელს მისი შეძენა ჯერჯერობით შესაძლებელი არ არის თუმცა მალე იგეგმება ონლაინ მარკეტში ჩაშვებაც.
