#OK! 8 შემთხვევა, როდესაც მელანია ტრამპმა პრინცესა დაიანას სტილი გადმოიღო

ამერიკის პირველი ლედის ყოველი საჯარო გამოჩენის შემდეგ მის ჩაცმულობასა თუ გარეგნობას მუდმივად მოჰყვება დიდი განხილვა საზოგადოების მხრიდან: ზოგიერთი მას ყველაზე გემოვნებიანად და დახვეწილად მოიხსენიებს, ზოგი კი, ზედმეტად ცივად და მკაცრად მიიჩნევს. დონალდ ტრამპის მეუღლესთან დაკავშირებით აზრები მრავალფეროვანია. მიუხედავად დიზაინერებთან შექმნილი დაძაბულობისა, დონალდ ტრამპის პრეზიდენტად არჩევის შემდეგ, დღეს მელანიას სტილისა და სამოსის შერჩევაზე არაერთი მოდის სახლი ოცნებობს. პირველი ლედის სტატუსის მოპოვებამდე მელანია ტრამპი ამოღებულ ზედებსა და მოკლე ქვედაბოლოებს ატარებდა, თუმცა ლოგიკურია რომ ახლა ყველაფერი სხვაგვარადაა. ის ელეგანტურ და საქმიან სტილს იცავს, როგორსაც ჟაკლინ კენედი, გრეის კელი და პრინცესა დაიანა ატარებდნენ. ბოლო დროს მოდის კრიტიკოსები მელანიას იმიჯში სულ უფრო და უფრო ხშირად ამჩნევენ ლედი დის იმიტირების მცდელობას. 49 წლის პირველი ლედი სამეფო ოჯახის წევრის სამაგალითო და საყოველთაოდ ცნობილი ჩაცმულობების გათანამედროვებას ცდილობს. ჩვენ კი სწორედ ამ ჩაცმულობებიდან ამოვარჩიეთ ისინი სადაც მელანიამ საუკეთესოდ მოახერხა ინგლისის პრინცესისთვის მიბაძვა.