ესპანეთის დედოფალი ლეტიცია არჩევანს  ყოველთვის კლასიკური სტილის ჩაცმულობაზე აკეთებს. ამჯერად კი ის სრულიად განსხვავებული ლუქით გამოჩნდა. ლეტიციას ამ სეზონის ყველაზე ტრენდული, ბრენდ Sandro-ს მწვანე  კაბა ეცვა.

როგორც ჩანს დედოფალს სერიოზული შეხვედრა არ ჰქონდა და ჩაცმულობაც შესაბამისად შეარჩია. საზოგადოებამ კაბის ბრენდზეც გაამახვილა ყურადღება, რადგან ლეტიცია თითქმის ყოველდღიურად ბრენდ Hugo Boss-ის სამოსს ირჩევს. ხალხი ვარაუდობს, რომ Sandro მისი მორიგი ამოჩემებული ბრენდი გახდება.

რამდენიმე დღის წინ დედოფალი ერთ-ერთ სკოლას ესტუმრა და მისი კაშკაშა ჩაცმულობით კვლავ მიიპყრო ხალხის ყურადღება. ამ შემთხვევაშიც თავისი საყვარელი ბრენდის Hugo Boss-ის უახლესი კოლექციის სამოსი მოირგო.