45 წლის ამერიკელმა რეპერმა და პროდიუსერმა - ფარელ უილიამსმა საზოგადოებას არაჩვეულებრივი სიახლე გაუზიარა. შემსრულებელი რამდენიმე დღის წინ ტაილანდში გამართულ ჩვენებას დაესწრო და შოუს მიმდინარეობისას განაცხადა, რომ Chanel-თან ითანამშრომლებს.

რეპერი საღამოზე მეუღლესთან და შვილთან ერთად გამოჩნდა, მისი ჩაცმულობა კი, კიდევ ერთხელ ადასტურებდა რომ მოდის ინდუსტრია კიდევ ერთი ვარსკვლავური კოლაბორაციის მოლოდინშია.

როგორც მოგვიანებით გაირკვა, მისი ზედატანიც სწორედ საკუთარი დიზაინით გახლდათ შექმნილი.

სიახლე ბრენდმაც დაადასტურა, როგორც ოფიციალური წყაროებიდან ირკვევა, ახალი კოლექციის დებიუტი 29 მარტს შედგება და მსოფლიო მასშტაბით გაყიდვები უკვე 4 აპრილიდან დაიწყება.

აღსანიშნავია, რომ ფარელმა დიზაინერის როლი გასულ წელსაც მოირგო, მან შანელისა და ადიდასის ბრედებთან თანამშრომლობით სპროტული ფეხსაცმლის - Hu NMD-ის ექსკლუზიური მოდელი წარმოადგინა, რომლის ღირებულებაც, დაახლოებით, 1000 ევროა.