თბილისის მოდის კვირეულმა და თბილისის Mercedes Benz Fashion Week-მა წარმატებით ჩაიარა. ქართველმა დიზაინერებმა საზოგადოებას საკუთარი ახალი კოლექციები წარუდგინეს, რომლებიც მომავალი გაზაფხული-ზაფხულის ჰიტი უნდა გახდეს. აღსანიშნავია, რომ თითოეული მათგანი საოცარი ინდივიდუალურობითა და კრეატიულობით გამოირჩეოდა, თუმცა მათ რამდენიმე საერთო ტრენდი მაინც აკავშირებდათ.



#1 გამჭვირვალე სამოსი
გამჭვირვალე სამოსმა ძალიან ბევრ კოლექციაში იჩინა თავი. კაბებს, მაისურებსა და პერანგებს ამ ტრენდმა საოცარი სიმსუბუქე და სინაზე შეძინა. ქართველი დიზაინერების მიერ შემოთავაზებული გამჭვირვალე ტანისამოსით როგორც ოფისში სიარული, ისე წვეულებებზე თავის მოწონება შეგვიძლია. ფერთა პალიტრა მრავალფეროვანია: კლასიკურ თეთრსა და შავ ფერს მკვეთრი ტონალობებიც ემატება.

თაკო მექვაბიძე - Tiko Paksa

ალექსანდრე ახალკაციშვილი - ჯანაშია

Gudu - თამუნა ინგოროყვა

სალომე ღვინიაშვილი - ვასკა

Irma de Flore - Eloshi

#2 ჯინსი

ჯინსის სამოსი აქტუალურობას არც ამ სეზონზე კარგავს. ბევრ კოლექციაში დიზაინერებმა ის ერთი იმიჯით მაინც წარმოგვიდგინეს. კაბებსა და შარვლებზე მორგებული ჯინსის ქურთუკი ყველაზე მოდური გოგონას იმიჯს გვიქმნის.

ლალო - ავთანდილი

DALOOD - ანუკი არეშიძე

#3 შავი კაბა

ქართველი დიზაინერების აზრით, შავმა კაბამ ყველა ქალბატონის გარდერობში ღირსეული ადგილი უნდა დაიკავოს. ის კოლექციათა უმეტესობაში იჩენს თავს. ამასთან, ამ ტრენდის არჩევისას დიდ მრავალფეროვნებას ვაწყდებით: ნებისმიერი ქალბატონი იპოვნის თავის საყვარელ შავ კაბას წლევანდელი ქართველი დიზაინერების კოლექციებიდან. ისინი გვხვდება ყველანაირი სიგრძისა და ფაქტურის. დათუნა სულიკაშვილმა მთელი კოლექცია სწორედ შავი კაბებით დააკომპლექტა.

ლაშა ჯოხაძე - GEORGE KEBURIA

ალექსანდრე ახალკაციშვილი - Gudu

ჯაბა დიასამიძე - DALOOD

თამუნა ინგოროყვა - Eloshi

დათუნა სულიკაშვილი

#4 ყვავილების პრინტი

პრინტის მასალად საგაზაფხულო კოლექციებში ყვავილები შეირჩა. თაკო მექვაბიძის კოლექციაში ყვავილებით თითქმის ყველა სამოსი გაფორმდა. ეს პრინტი თავს იჩენს როგორც შარვლებზე, ისე კაბებსა და პერანგებზე.

ქეთი ჩხიკვაძე - თაკო მექვაბიძე

Mach&Mach - DALOOD

#5 ბრჭყვიალა სამოსი

ბრჭყვიალა სამოსით წელს ანუკიმ და Mach&Mach-მა მოგვხიბლეს. მათ კოლექცია თითქმის მთლიანად ამ მასალით წარმოადგინეს. აღსანიშნავია, რომ ეს დიზაინერები საზღვარგარეთ აქტიურად მოღვაწეობენ და კოლექციებს ამ ტრენდით მეტი გლობალურობა შესძინეს.

ანუკი არეშეიძე - Mach&Mach

ავთანდილი - Gudu