ბიონსემ და ჯეიზიმ ნიუ-იორკის ისტ-ჰემპტონში 26 მილიონი ღირებულების სახლი იყიდეს. 1115 კვადრატული მ. სივრცის სახლი ტბის სანაპიროზე მდებარეობს.

სახლში 7 საძინებელი, მარმარილოთი გაფორმებული სამზარეულო, ღია აუზი, სპა და ტერასაა, რომლის ხედიც ოკეანეზე გადის.

სახლის ინტერიერი კლასიკურ ამერიკულ სტილშია: პალიტრა ხორცისფერი ტონალობებითაა დატვირთული, კედლები თეთრი მუხითაა გაფორმებული. სახლის მთავარი ღირებულება პანორამული ფანჯრებია, რომელიც სახლს სინათლეს და ჰაერს მატებს. სახლის უკანა ეზოში სასტუმრო სახლია.

Forbes-ის მიხედვით, წყვილის საერთო ქონება მილიარდ დოლარს აჭარბებს.