ალბათ ყველას მოუნდება ამ რესტორნებში ერთხელ მაინც მოხვდეს, რა თქმა უნდა თუ მზად ხართ მთელი ხელფასი აქ დატოვოთ...

#1 წყალქვეშა რესტორანი

Conrad Rangali Island, მალდივები

გაიცანით მსოფლიოს პირველი წყალქვეშა რესტორანი, რომელიც 5 მეტრის სიღრმეში მდებარეობს. პანორამული ხედი მართლაც შთამბეჭდავია, მაგრამ სადილი ან ვახშამი აქ 300 $ დაგიჯდებათ.

#2 Per Se

ნიუ-იორკი, აშშ

ცნობილი მზარეულის მყუდრო რესტორნიდან ხედი ქალაქის ცენტრალურ პარკზე გადის. აქ 19 მაგიდაა და მოთხოვნა დიდია, ამიტომ დაჯავშნა აუცილებელია.

#3 l'Hôtel de Ville

კრისიე, შვეიცარია

ამ სამი მიშლენის მფლობელ რესტორანს ყველაზე გავლენიანი ხალხი სტუმრობს. სადილი 400-მდე შვეიცარული ფრანკი დაგიჯდებათ.

#4 Alain Ducasse au Plaza Athénée

პარიზი, საფრანგეთი

ალენ დუკასის შემოქმედებას აღწერა არ სჭირდება. აქ საოცარი ფრანგული სამზარეულო, ფუტურისტული სავარძლები, ჭაღები, სარკეები, რელიქვიური ჭურჭელი დაგხვდებათ. 350 ევროს გადადება აუცილებელია.

#5 Guy Savoy

პარიზი, საფრანგეთი

არისტოკრატიული ინტერიერის და თანამედროვე ხელოვნების შერწყმა საოცარ შედეგს გვაძლევს. აქ მდიდრული დესერტებით გაგიმასპინძლდებიან.

#6 Masa

ნიუ-იორკი, აშშ

ეს იაპონური რესტორანი ერთ-ერთი ყველაზე ძვირადღირებულია მთელ ამერიკაში. ადგილის დაჯავშნა 3 კვირით ადრე ხდება, მაგრამ შედეგი ამად ღირს.

#7 Kitcho Arashiyama Honten

კიოტო, იაპონია

კიოტოს სამზარეულოს ტრადიციების წარმომდგენი საუკეთესო რესტორანი არამხოლოდ მენიუთი აგვაღფრთოვანებს, არამედ ინტერიერითაც. იაპონური იდილიით ტკბობისთვის მინიმუმ 600 დოლარი გჭირდებათ.

#8 SubliMotion

იბიცა, ესპანეთი

ეს უნიკალური რესტორანი მხოლოდ 1 ივნისიდან 30 სექტემბრამდე მუშაობს. ცნობილია ვირტუალური რეალობის გამოყენებით, შთამბეჭდავი შოუებით და უჩვეულო კერძებით.