2018 წლის ოქტომბერში, მრავალწლიანი ურთიერთობის შემდეგ, 26 წლის ტოპ-მოდელი კარლი კლოსი 33 წლის კოშუა კუშნერს გაჰყვა ცოლად. ჯოშუა ჯარედ კუშნერის ძმაა, დონალდ ტრამპის ქალიშვილის, ივანკა ტრამპის ქმრის. გაზაფხულზე ვარსკვლავები ქორწილის გადახდას გეგმავენ, მანამდე კი ახალ სახლში ერთად გადავიდნენ. მანჰეტენზე არსებული საოცარი ბინა 7 მილიონი $ ღირებულებისაა.
სახლში 2 საძინებელი და ორი სააბაზანოა, მაგრამ მაღალი ჭერის წყალობით, სივრცე გაცილებით დიდი ჩანს. ინტერიერში ხე მარმარილოს ენაცვლება, სასტუმრო ოთახს ფრანგული ბუხარი და კარები ამშვენებს. სახლის მთავარი ღირსება ხის ტერასაა, საიდანაც ქალაქზე ხედი იშლება.
