სკარლეტ იოჰანსონმა 4 მილიონი $ ღირებულების აგარაკი შეიძინა. სახლი როკლენდში, ნიუ-იორკის შტატში მდებარეობს, მანჰეტენიდან 1 საათის სავალ მანძილზე. როგორც სჩანს, მსახიობმა დასვენების დღეებში ცენტრიდან გაქცევა ნიუ-იორკთან ახლოს გადაწყვიტა.

ახალ სახლში 4 საძინებელი, 4 სააბაზანო, მისაღები ბიბლიოთეკით, ორანჟერეა და აუზია. ამას ბაღი და მდინარე ჰუდსონის ხედები ემატება.

რამდენიმე თვის წინ, Forbes-მა სკარლეტი ყველაზე მაღალანაზღაურებად მსახიობად დაასახელა. გასულ წელს ვარსკვლავმა 40.5 მილიონი $ გამოიმუშავა, რომლის დიდი ნაწილიც "შურისმაძიებლებმა" განაპირობა.

უკვე 1 წელია მსახიობი Saturday Night Live-ის წამყვანს, კოლინ ჯოსტს ხვდება. ეს პირველი რომანია მას შემდეგ, რაც 2017 წელს სკარლეტი რომან დორიაკს გაშორდა. ქორწინებიდან მას 3 წლის გოგონა, როუზი დარჩა.