პირამიდის ფორმის ძვირადღირებული სახლი წყნარი ოკეანის ულამაზეს ხედს გადაჰყურებს, მისი ფასი კი 3,1 მილიონი დოლარია.

უჩვეულო ფორმის საცხოვრებელი მალიბუში გორაკზე მდებარეობს, აქ 3 საძინებელი და 2 აბაზანაა, სახლს საკუთარი ბაღიც აკრავს.

როგორც ბროკერები ამბობენ სახლში საოცარი სიმყუდროვე და სიმშვიდეა, განსაკუთრებული სივრცეა ერთი დიდი ოთახი, უზარმაზარი ვიტრაჟებით, საიდანაც ბუნება და მალიბუს კანიონები მოსჩანს.

სახლი ყოველდღიურ გაქირავებაშიც აქტუალურია და ფილმების სცენისთვისა და ივენთებისთვისაც სასურველი ლოკაციაა.