მოგზაურობა, რომ ხშირად ინსპირაციის უდიდესი წყარო ხდება ეს აღარავის უკვირს, შთაბეჭდილებებითა და ახალი იდეებით ქვეყანაში დაბრუნება კი, მატერიალიზდება და ახალი ცხოვრების ტრანპლინი ხდება. სწორედ ასე მოხდა დიზაინერების: ლელა შაბურიშვილისა და სალომე ლომიძეის შემთხვევაშიც.

ინტერიერის დიზაინერებმა, მოგზაურობიდან დაბრუნების შემდეგ, ჩვენს ქვეყანას კიდევ ერთი, ქართული და ძალიან დახვეწილი ბრენდი BLUSH Hand Made შესთავაზეს და ქალბატონებს საყვარელი აქსესუარის, ჩანთების ახლებური დიზაინი წარუდგინეს, რაც ძალიან მალე ყველასთვის ერთ-ერთ სასურველ ბრენდად იქცა.

როგორ შეიქმნა BLUSH Hand Made? ვინ არიან ახალგაზრდა ბინესვუმენები და როგორია მათი სამომავალო გეგმები? გაიცანით ექსკლუზიურად OK!-ში.

თუ შეიძლება მოგვიყევით როგორ გაჩნდა BLUSH Hand Made–ის შექმნის იდეა? ვინ არიან იდეის ავტორები და ბრენდის დამფუძნებლები?
დაახლოებით ერთი წლის წინ, მოგზაურობიდან დაბრუნებისას გაჩნდა იდეა შეგვექმნა განსხვავებული და საინტერესო ხელნაკეთი ჩანთები. ბრენდის დამფუძნებლები ვართ ლელა შაბურიშვილი და სალომე ლომიძე.

გააცანით თქვენი თავი ჩვენს მკითხველს, რა პროფესის ბრძანდებით და თუ გქონიათ ადრე მსგავს სფეროსთან კავშირი?
ორივემ დავამთავრეთ თბილისის სახელმწიფო სამხატვრო აკადემია, პროფესიით ინტერიერის დიზაინერები ვართ. აქამდე მსგავს სფეროსთან შეხება არ გვქონია. თუმცა, ამ მცირე დროში ვფიქრობთ, რომ კარგი გამოცდილება მივიღეთ და საკმაოდ წარმატებით სარგებლობს ჩვენი პროდუქცია, არა მხოლოდ საქართველოში მის საზღვრებს გარეთაც.

რა პროდუქს სთავაზობს BLUSH Hand Made მომხმარებლებს და რამდენად დიდია არჩევანი?
ჩვენს მომხმარებლებს ვთავაზობთ ხელნაკეთ ჩანთებს. ვცდილობთ, რომ ჩანთები იყოს განსხვავებული, ლამაზი და რა თქმა უნდა კომფორტული. ჯერჯერობით ბევრი მოდელი არ გვაქვს, მაგრამ მოგვწონს ის, რომ ჩვენთან ფერების დიდი არჩვანია. რადგანაც ამ ეტაპზე მაღაზია არ გვაქვს, მხოლოდ ინტერნეტით ვყიდით და მიტანის უფასო სერვისი გვაქვს.

როგორ იქმნება ახალი კოლექციები და რას ითვალისწინებთ პროდუქტის შექმნისას?
პირველ რიგში, ისეთ ჩანთებს ვკერავთ რაც თავადაც მოგვწონს და სიამოვნებით ვატარებთ. ახალი მოდელები ერთმანეთთან შეთანხმებით, იდეების გაცვლით და ბევრი ძიების შედეგად იქმნება, იხვეწება. შემდეგ უკვე მკერავთან გავდივართ დეტალებს. ჩვენთვის მნიშვნელოვანია ხარისხიანი შესრულება და საბოლოო შედეგით ყველანი კმაყოფილები ვართ, ასევე დიდ ყურადღებას ვაქცევთ ბრენდინგს და ფოტო გადაღებას

როგორია თქვენი სამომავლო გეგმები? – შესაძლებელია თუ არა BLUSH Hand Made გასცდეს საქართველოს მასშტაბებს?
ამ ეტაპზე მოლაპარაკებას ვაწარმოებთ რამოდენიმე მაღაზიასთან და ინტერნეტ მაღაზიასთან. სულ მალე ახალ კოლექციას შემოგთვაზებთ. ასევე გვექნება Unisex მოდელებიც. უკვე საკმაოდ ბევრი უცხოელი მომხმარებელი გვყავს და საზღვრებსაც გავცდით. ჩვენი ჩანთბი იყიდება ბერლინსა და ლონდონში პატარა vintage store-ში


www.facebook.com/blushhandmadebags

www.instagram.com/blushhandmade