თითოეული ადამიანი უდიდესი უხილავი ძალის მატარებელია, რომლის გამოყენებაც ჩვენი სიცოცხლის მანძილზე ძალიან იშვიათად ხდება. ადამიანებს საკუთარი ენერგიის გადაცემა ერთმანეთთან ხელის ჩამორთმევითაც კი შეუძლიათ. დადებითი ემოციების ერთ-ერთ ყველაზე ძლიერ ენერგოგადამცემად ჩახუტება ითვლება, ამ დროს სხეულები ერთმანეთს მხოლოდ დადებით ემოციებს, სიმშვიდეს, სითბოსა და სიყვარულს გადასცემენ, რაც ხშირ შემთხვევაში, თვალების დახუჭვითა და სახეზე ჩუმი ღიმილით გონებამდე აღწევს და პოზიტივით გვმუხტავს.

ჩახუტება ერთმანეთთან სხეულსა და ცნობიერებას აკავშირებს. რაოდენ გასაკვირიც არ უნდა იყოს, ჩახუტება ჯანმრთელობისთვისაც სასარგებლოა, რადგან ამ დროს ორგანიზმში ბედნიერების ჰორმონი - სეროტონინი გამოიყოფა, რომელიც სისხლის მიმოქცევასა და ნერვულ სისტემას აწესრიგებს.

გთავაზობთ 10 მიზეზს იმისთვის, რომ უფრო ხშირად ჩაეხუტოთ:

1. ჩახუტების დროს ორგანიზმში ოქსიტოცინი გამოიყოფა, რომელიც ნერვულ სისტემაზე დადებითად მოქმედებს და გვიღვიძებს სოლიდარობისა და სიმშვიდის გრძნობას.
2. ჩახუტება მჭიდროდ გვაკავშირებს იმ ხალხთან, რომელსაც ყოველდღიურად ვხედავთ, მათ მიმართ განგვაწყობს დადებითად და გვიჩენს მეტი ნდობისა და სიკეთის განცდას.
3. ჩახუტება ამცირებს სტრესს.
4. არეგულირებს არტერიულ წნევას.
5. გვიბიძგებს კარგი საქმის კეთებისკენ და ჩვენში ქმნის დადებითი ემოციების მორევს.
6. ჩახუტების დროს თავს არაჩვეულებრივად გრძნობთ.
7. როდესაც ვინმეს ეხუტებით, შეუძლებელია არ დაგავიწყდეთ, რომ ცუდ ხასიათზე იყავით.
8. ჩახუტების დროს სხეული და გონება ერთიანდება.
9. ჩახუტება გვიბიძგებს უფრო ძლიერი ჩახუტებისკენ.
10. ჩახუტება ამუშავებს მოთმინების უნარს.