ახალგაზრდა მამაკაცი მუხლს იდრეკს და ხელს სთხოვს მის რჩეულს... ჩუქნის საქორწინო ბეჭედს ბრილიანტის მორთულობით. – რატომ მაინცდამაინც ბრილიანტი?

გასული საუკუნის 30–იან წლებამდე არავინ არავის არ ჩუქნიდა ბეჭდებსა თუ რაიმე სხვა სახის სამკაულს ჯვრისწერისას, თან მითუმეტეს ბრილიანტის თანხლებით. ეს "სარფიან წესად" დანერგა კორპორაცია „De Beers”–მა , რომელიც დღემდე ძალიან დიდ მოგებას ნახულობს.

1940 წელს "De Beers" -მა დაიწყო სარეკლამო კამპანია სლოგანით «Diamonds are forever» (ბრილიანტები სამუდამოდ) რამაც მოახდინა ნამდვილი ფურორი და მთელი სარეკლამო ისტორიის განმავლობაში ერთ–ერთ ყველაზე წარმატებულ მარკეტინგულ კამპანიად ითვლება.

სამკაულების მწარმოებელი კომპანია აქტიურად უწევდა პროპაგადას საკუთარ პროდუქციას და აღნიშნავდა – მართალია ძვირია ბრილიანტის ბეჭედი, მაგრამ ნამდვილად ღირს მისი შეძენა, შეხედეთ როგორი ლამაზია... და რაც მთავარია არ გაყიდოთ ეს ბეჭედი არავითარ შემთხვევაში, არ აქვს მნიშვნელობა რა სენტიმენტალური მიზეზი შეიძლება გქონდეთ, უმჯობესია გადასცეთ მომავალ თაობას.

ჰმმ... საინტერესოა... – ალმასების საბადოები საგრძნობლად იზრდებოდა და თუ სამკაულების მფლობელები დაიწყებდნენ რეგულარულად მის გადაყიდვას ხელიდან ხელში, რა თქმა უნდა მისი ღირებულება დაეცემოდა და გამოიწვევდა პროდუქტის გაუფასურებას.

ბრილიანტების რეკლამირებაში იხარჯებოდა უამრავი რესურსი, სარეკლამო რგოლებში იღებდნენ ცნობად სახეებს, ესენი იქნებოდნენ მსახიობები, მოდელები, სპორტსმენები თუ სხვა. კამოპანიის სლოგანი ასევე გამოიყენეს ჯეიმს ბონდის ერთ–ერთ ფილმში „ბრილიანტები სამუდამოდ“, რომელიც დიდწილად  „De Beers”-ის დასპონსორებული იყო.

ბრილიანტების გამსაღებლები ყველგან იყენებდნენ ერთსა და იმავე ილუზიას – „ბრილიანტებს მოაქვთ სამუდამო სიყვარული და ისინი ვერასდროს ვერ დაკარგავენ საკუთარ ღირებულებას“.

„სარფიანი წესი“ – მის ყოველდღიურობაში ჩაშვების შემდეგ განვლო ძალიან დიდმა დრომ და ის დღესაც მუშაობს, მეტიც ის უკეთ მუშაობს და  ამ ხერხით პროდუქტის რეალიზება დღითიდღე უმჯობესდება.