2016 წლის „აჭარის მოდის კვირეულის“ მესამე დღე დიზაინერმა, გიორგი ტატანაშვილმა ახალი კოლექციით გახსნა. როგორც გიორგიმ OK!-სთან საუბრისას განაცხადა, ჩვენებით ძალიან კმაყოფილია და ამჟამად Mercedes-Benz Fashion Week-ის მოლოდინშია.

„წელს პირველად მივიღე მონაწილეობა, „აჭარის მოდის კვირეულზე“. ყველაფერმა საკმაოდ კარგად ჩაიარა. ჩვენება „ანბანის კოშკზე“, ზღვის დონიდან 170 მეტრზე მქონდა, სადაც ჩემი კოლექცია სამოდელო სააგენტო „კატრინის“ მოდელებმა წარადგინეს.

„პიაცაზე“ კი, ჩემთვის წარმატებული და მოთხოვნადი მოდელები გამოვიდნენ, სადაც თმის ტენდენციებთან ერთად, ჩემი მოდელები და ლუქები წარადგინეს.

„კატრინის“ გოგონების გარდა, ჩემი კოლექცია ლუკა თიგიშვილმა, დუდი ზირაქაშვილმა, ვაჟა გოდერძიშვილმა, ირაკლი ბეჟაშვილმა და სხვა წარმატებულმა მოდელებმა მოირგეს.

კონკრეტული ინსპირაცია არ მქონია. მეგობრის ცვალებადი ხასიათი გადმოვიტანე კოლექციაში. ვეცადე კოლექცია გამჭვირვალე და ჰაეროვანი ყოფილიყო. გამოვიყენე გიპიური, ჯინსი და ტილო.

სტუმრებმა კოლექცია დადებითად შეაფასეს და ხაზი გაუსვეს ერთ მთავარ დეტალს, მაკიაჟი და ვარცხნილობა საუკეთესო იყო არსებული ჩვენებებიდან.

ამჟამად, ახალ კოლექციას ვაკეთებ და იმედი მაქვს, ამ სეზონზე Mercedes-Benz Fashion Week-ზეც მივიღებ მონაწილეობას, სადაც სურვილი მაქვს წარვადგინო მამაკაცის ხაზი. იმედია ყველაფერი გამოვა.

ფოტო: არჩილ გეგენავა