სერიალის „ტვინ პიქსი“ პირველი ორი სერია ეკრანებზე ამ წლის 21 მაისს გამოვა. ამის შესახებ ტელეარხის Showtime პრეზიდენტმა, დევიდ ნევინსმა განაცხადა. სერიალის მესამე და მეოთხე სერია ტელეარხის საიტზე იქნება ხელმისაწვდომი. მთლიანი სეზონი 18 სერიისგან შედგება, თითოეულის ხანგრძლივობა 1 საათია.

სეზონის ყველა სერიის რეჟისორი, კვლავ, 90-იანი წლების ლეგენდარული ფილმისა და სერიალის შემქმნელი დევიდ ლინჩია. სერიალი გადაიღეს როგორც ერთიანი ფილმი და მხოლოდ ამის შემდეგ დაიყო 18 ნაწილად.

„ეს დაუვიწყარი 18 საათი იქნება“ - განაცხადა ნევინსმა და აღიარა, რომ უკვე ნახა თვრამეტივე ეპიზოდი ლინჩთან ერთად.