Coachella ერთ-ერთი ყველაზე ცნობილი ფესტივალია, რომლის ჰედლაინერებად ჩვეულებრივ მამაკაცები ან მამაკაცთა კოლექტივები ხდებიან. მაგრამ, ყველაფერი ადრე თუ გვიან მთავრდება და სულ ახლახანს, ცნობილი გახდა, რომ ბიონსე 2017 წლის ფესტივალის ერთ-ერთი ჰედლაინერი იქნება, Kendrick Lamar-სა და Radiohead-თან ერთად.

ბიონსე ფესტივალის ისტორიაში მეორე ქალი-ჰედლაინერია. პირველი ბიორკი იყო, რომელიც 2002-2007 წლებში გამოდიოდა.

მუსიკისა და ხელოვნების მე-18 ფესტივალი, ტრადიციულად, ქალაქ ინდიოში, კალიფორნიის შტატში გაიმართება ზედიზედ ორი შაბათ-კვირის განმავლობაში. მისი მონაწილეთა სია როგორც ყოველთვის ვრცელი და საინტერესოა. წელს ფესტივალზე მონაწილეობას მიიღებენ ტრევის სკოტი, Gucci Mane, ბრიტანული ჯგუფ New Order, ჰანს ციმერი და სხვები.

დეტალური ინფორმაცია ფესტივალისა და ბილეთების შესახებ შეგიძლიათ მის ოფიციალურ საიტზე ნახოთ.