79-სართულიან ცათამბჯენს Premier Tower ავსტრალიის ქალაქ მელბურნში ააგებენ.

პროექტი ავსტრალიურმა არქიტექტურულმა ბიურომ Elenberg Fraser ბიონსეს კლიპისგან Ghosts მიღებული შთაბეჭდილებით შექმნა.
შენობა მელბურნის ცენტრში აშენდება და არქიტექტორების თქმით, მისი მომრგვალებული ფორმები მომღერლის სხეულის ფორმების პატივისცემის ნიშანია.

მშენებლობა 2020 წელს დასრულდება და 315 მილიონი ამერიკული დოლარი დაჯდება. მის ინტერიერში სასტუმრო, აპარტამენტები და ბუტიკები განთავსდება.