ერთიანი ნათელი და კომფორტული სივრცე, სადაც შიგიძლიათ იმუშაოთ, ცოდნა მიიღოთ და საჭირო კონტაქტები დაამყაროთ - ასეთი იქნება Impact Hub Tbilisi, საერთო სამუშაო სივრცის საერთაშორისო ბრენდი, რომელიც დღეიდან საქართველოშიც იმუშავებს.

აქ თავს აქტიური, ენერგიული, მოტივირებული და სიახლეების მოყვარული ადამიანები მოიყრიან. ჰაბი საინტერესო ღონისძიებებს, სასწავლო პროგრამებს, დისკუსიებსა თუ პრეზენტაციებს უმასპინძლებს და აქტუალურ პრობლემატურ საკითხებს წინ წამოწევს.

6 ოქტომბერს, 17:00 საათზე, Impact Hub-ში, რომელიც Fabrika-ში, ნინოშვილის ქუჩაზე განთავსდა, პანელ- დისკუსია „ეკოსისტემების შექმნა მდგრადი სოციალური ცვლილებისთვის“ გაიმართება. გარდა ამისა, წარმატებული ქართველი სოციალური მეწარმეები გამართავენ პრეზენტაციებს მათი საქმიანობის შესახებ.

ასევე, საერთაშორისო ფესტივალის, MitOst-ის ეგიდით, Impact Hub-ში, 7 ოქტომბერს, 16:00 საათზე პანელ-დისკუსია სახელწოდებით „ინკლუზიური ქალაქები: ურბანული საჯარო სიკეთე“ გაიმართება.