მას შემდეგ, რაც ამერიკის შეერთებული შტატების პრეზიდენტი 78 წლის ჯო ბაიდენი გახდა, სულ რაღაც ორი კვირა გავიდა. თუმცაღა ამ მცირე დროში მან და ფლოტუსმა - ჯილ ბაიდენმა უკვე შეძლეს ახალ გარემოში გაშინაურება, რაც People-ისთვის მიცემულ ერთობლივ ინტერვიუშიც ჩანს. გამოცემისთვის 69 წლის ჯილი მეუღლის გვერდით პოზირებს, მათი ერთობლივი კადრი კი ახალი ნომრის ყდას დაამშვენებს.

"ჯერ კიდევ ეს ყველაფერი ცოტათი ირეალურია, თუმცა აქ ნელ-ნელა მოვეწყვეთ. ჩვენ აქ რვა წელი გავატარეთ, თუმცაღა რეზიდენციის სხვა ნაწილში და ზემოთ - საცხოვრებელი გარემო სრულიად ახალი რამ არის ჩვენთვის,"-აღნიშნა ჯომ.

წყვილმა ინტერვიუში 43-წლიანი ქორწინების სიმყარის საიდუმლოებებზე ისაუბრა,

"ის მე ყოველთვის მხარს მიჭერს, ხოლო როცა თვითონ მოწყენილია, დახმარების ხელს ვუწვდი. ჩვენ ბედნიერები ვართ, რომ ერთმანეთის დახმარება შეგვიძლია. ვამაყობ იმით, რომ ჯილმა პროფესია შეინარჩუნა - ის სამხრეთ ვირჯინიის ერთ-ერთ კოლეჯში ასწავლის. როდესაც ჩვენ დავქორწინდით, მას ორი წლით მოუწია პროფესიისთვის თავის დანებება, რადგან ბიჭები ძალიან პატარები იყვნენ. მნიშვნელოვანია, რომ ის დამოუკიდებელი იყოს - ჩვენ ერთმანეთის ოცნებებს ვიზიარებთ."