ემილი რატაკოვსკი Instagram-ის ერთ-ერთი ყველაზე პოპულარული მომხმარებელია და მის მიერ გაზიარებული პოსტებზე "ლაიქების" რაოდენობა ყოველთვის ძალიან დიდია. მოდელი გულშემატკივრებს ინტიმური ფოტოებით, ისევე როგორც საკუთარ მეორე ნახევართან ერთად გადაღებული კადრებით, ძალიან ხშირად ანებივრებს. თუმცა ბოლო კვირების მანძილზე სუპერმოდელის პირად გვერდზე ახალი პერსონაჟი გამოჩნდა, რომელსაც სახელად კოლომბო ჰქვია. კოლომბო ემილისა და მისი მეუღლის ძაღლია, რომელიც მოდელის ცხოვრების განუყოფელი ნაწილი გახდა და ნიუ-იორკის ქუჩებშიც ემილისთან ერთად სეირნობს, შესაბამისად პაპარაცების ობიექტივში ამიერიდან ისიც აქტიურად მოხვდება.
27 წლის ამერიკელი ტოპ-მოდელი ნიუ-იორკში ამჯერადაც კოლომბოსთან ერთად შენიშნეს.
მოდელმა ახალ მეგობართან სეირნობისთვის თეთრი სპორტული ზედა, ამავე ფერის მომდგარი ჯინსის შარვალი და სპორტული ფეხსაცმელი მოირგო. ემილის თეთრი იმიჯის ფონზე ერთადერთი ფერადი ნივთი კოლომბოს ფერადი ყელსაბამი და მოდელის გველის ტყავის ჩანთა იყო.
ახალგაზრდა ვარსკვლავმა ოჯახში ახალი წევრის შემატების შესახებ გულშემატკვირებს რამდენიმე კვირის წინ რაღა თქმა უნდა Instagram-ის მეშვეობით ამცნო. მან მეუღლესთან და კოლობოსთან ერთად გადაღებული ფოტო გააზიარა, რომელსაც თბილი კომენტარიც დაურთო.
"ჩვენს გარშემო ყველას შვილი შეეძინა (კიმს, მეგანს, ეიმის), მაგრამ ჩვენ ჩვენს თავებს განსაკუთრებული ბიჭი მოვუყვანეთ. ბიჭია! გაიცანით კოლომბო" - წერს მოდელი.
