27 წლის ამერიკელმა მოდელმა და მსახიობმა ემილი რატაკოვსკიმ, რომელიც სოციალურ ქსელში საკმაოდ აქტიურია და დიდი პოპულარობით სარგებლობს, გულშემატკივრებს კიდევ ერთი თამამი ფოტო გაუზიარა. თუმცაღა ამჯერად მისი შიშველი ფოტო არც მისი პირადი ბრენდის თეთრეულის რეკლამასა და არც საკუთარი სხეულის დემონსტრაციას ემსახურებოდა. მოდელის მიერ გამოქვეყნებული პოსტი ალაბამას შტატში მიმდინარე პროცესებს ეძღვნება, რომელიც ქალებისთვის აბორტის გაკეთების უფლების შეზღუდვას ეხება.

ახალგაზრდა სუპერმოდელმა გამომწვევ ფოტოს, რომელშიც სხეულის ინტიმურ ნაწილებს ხელებითა და ყვავილის ფოთლით ფარავს, ემოციური კომენტარი დაურთო, რომელშიც მიმდინარე მოვლენებთან დაკავშირებით პროტესტს გამოთქვამს.

"ამ კვირაში ოცდახუთმა ასაკოვანმა თეთრკანიანმა მამაკაცმა მისცა ხმა ალაბამას შტატში ქალებისთვის აბორტის აკრძალვას, ინცესტისა და გაუპატიურების შემთხვევაშიც კი. უფლებამოსილების მქონე მამაკაცები ვალდებულებას აკისრებენ ქალების სხეულს, რათა შეინარჩუნონ პატრიარქატი და სამუდამოდ შეუზღუდონ დაბალი ეკონომიკური შესაძლებლობის მქონე ქალებს საკუთარი არჩევანის გაკეთებისი უფლება. შტატები, რომლებშიც იკრძალება აბორტი არის სწორედ ის შტატები სადაც ყველაზე მაღალია შავკანიან ქალთა მაცხოვრებლების რაოდენობა. ეს ყველაფერი არის გამოწვეული სოციალური ფენისა და რასიდან გამომდინარე და არის ამერიკაში მცხოვრებ ქალთა უფლებების პირდაპირი დარღვევა. სწორედ იმ ქალებისა, რომლებსაც იცავს Roe vs. Wade. ჩვენი სხეული ჩვენი არჩევანია. " - წერს მოდელი.

ასევე მოდელმა 2018 წლის 5 ოქტომბერს, ქალთა უფლებების დასაცავად გამართულ აქციაზე გადაღებული ფოტოც გამოაქვეყნა, რომელიც ვაშინგტონში, კაპიტოლიუმთანაა გადაღებული.

სოციალურ ქსელში ალაბამას შტატში მიმდინარე მოვლენებს ემილის გარდა არაერთი ცნობილი სახე გამოეხმაურა. მათ შორის იყვნენ ჯიჯი ჰადიდი, კარა დელევინი, ლეიდი გაგა, კრის ევანსი, რიზ ვიზერსპუნი და სხვები.