ვიქტორია და დევიდ ბექჰემების უფროსი შვილი ბრუკლინი და მისი მეორე ნახევარი ჰანა ქროსი საზოგადოების ყურადღებას ხშირად იპყრობენ და პაპარაცების ობიექტივშიც აქტიურად ხვდებიან. წყვილი ფოტოგრაფებს დრამატული კამათის დროს არაერთხელ შეუნიშნავთ, რის შემდეგაც წყვილი მალევე რიგდებოდა და აგრძელებდა ურთიერთობას. ამჯერად კი, მათ ჩხუბი არ დასჭირვებიათ იმისთვის, რომ ერთმანეთს "მოსიყვარულებოდნენ".

21 წლის ამერიკელი მოდელი ჰანა ქროსი ბრუკლინთან ერთად რიჩმონდის პარკში საკმაოდ ინტიმურ მომენტებში დააფიქსირეს.

წყვილი ბექჰემების ოჯახის ძაღლებს ოლივსა და ფიგს ერთად ასეირნებდნენ, ხოლო შესვენებისას ერთმანეთს ძალიან თბილად ეხვეოდნენ, რაც რა თქმა უნდა არ გამოჰპარვია სოციალურ მედიას.

ჰანა და ბრუკლინი სპორტულ სამოსში იყვნენ გამოწყობილნი, კონკრეტულად მოდელმა კი სეირნობისთვის თავისუფალ იმიჯს Heron Preston-ის 384 ფუნტის ღირებულების "ჰუდი" შეუხამა.

როგორც ჩანს, წყვილს ამ ეტაპზე უფრო მშვიდი ურთიერთობა აქვთ და დაძაბული პერიოდი წარსულს ჩაბარდა.