სასექსის ჰერცოგინია სულ მალე გახდება დედა, მის მშობიარობამდე სულ ცოტა დრო რჩება და სამეფო ოჯახის მომავალ მემკვიდრეს არამხოლოდ მეგანი და ჰარი არამედ მთელი მსოფლიო ელოდება. ბოლო დროს ოჯახის წევრები მაქსიმალურად ცდილობენ გვერდში დაუდგნენ ფეხმძიმე მეგანს და ხშირად მიდიან მასთან სტუმრად. ამჯერად მეგანის სტუმარი ელიზაბეტ მეორე გახდა, რომელიც მის მოსანახულებლად ფროგმორის კოტეჯში მივიდა, რომელიც სასექსის ჰერცოგისა და ჰერცოგინიის ახალი საცხოვრებელია და უინძორის სასახლის ტერიტორიაზე იმყოფება.
დედოფალმა სულ ცოტა ხნის წინ მომავალ მშობლებს საჩუქარი გაუკეთა, რაც მათი ახალი საცხოვრებლის გარემონტებას მოიცავდა. შესაბამისად მან სარემონტო სამუშაოების შემდეგ მიღებული შედეგისა და ფეხმძიმე მეგანის მონახულება ერთდროულად გადაწყვიტა. გარდა ამისა, დედოფალმა მეგანთან და ჰარისთან ერთად მომავალი მშობიარობის პროცესის დეტალები განიხილა და როგორც ოთხი შვილის დედამ საკუთარი გამოცდილებაც გაუზიარა.
აღსანიშნავია, რომ სასექსის ჰერცოგინიამ მშობიარობის გასაჯაროებაზე უარი თქვა დედოფლის მსგავსად, რომელმაც ოთხივე შვილი სასახლეში გააჩინა და ახალშობილებთან ერთად პოზიორობაზე უარი თქვა.
