მეგან მარკლის მშობიარობამდე სულ რამდენიმე დღე ან შესაძლოა რამდენიმე საათიც კი რჩება, სწორედ ამიტომ, კალიფორნიელი ვარსვკლავი დროს სახლში ატარებს. ამ დროს კი მისი მეუღლე სამეფო ოჯახის მოვალეობების შესრულებას აგრძელებს და ამაში ოჯახის დანარჩენი წევრებიც ეხმარებიან. 25 აპრილს პრინცი ჰარი ქეით მიდლტონის ვესტმისტერის სააბატოში შეუერთდა, სადაც ფოტოგრაფების ობიექტივში მათი რამდენიმე განსაკუთრებულად თბილი კადრიც მოხვდა, რაც მათ ახლო ურთიერთობაზე მეტყველებს.
კემბრიჯის ჰერცოგინია არაჩვეულებრივად გამოიყურებოდა, მისი თვალისმომჭრელი ღიმილი დახვეწილ ჩაცმულობას კიდევ უფრო ამშვენებდა.
ქეითის ულამაზესი კაბა ლონდონის ერთ-ერთი ცნობილი დიზაინერის, ქეთრინ უოკერის მიერაა შექმნილი. ჰერცოგინიამ კაბას იმავე ფერის ქუდი, მუქი მწვანე ქლაჩი და ამავე ფერის ფეხსაცმელი შეუხამა. ეს ყველაფერი კი სადა აქსესუარებით გააფორმა.
სამეფო ოჯახის წევრები ვესტმისტერის სააბატოს ანზაკის დღის - ავსტრალიისა და ახალი ზელანდიის სახალხო მემორიალური დღის საპატივცემულოდ გამართულ ცერემონიაზე იყვნენ. ცერემონიისას კი მათი არაერთი თბილი მომენტი მოხვდა კამერების თვალთახედვაში.
