კიმ კარდაშიანისა და კანიე უესტის 5 წლის ქალიშვილი ნორთი საზოგადოების გაოცებას არ წყვეტს. მისი ჩაცმულობა, ისევე როგორც მისი "კარიერული წინსვლები" არაერთხელ გამხდარა ტაბლოიდების მთავარი თემა. სულ ცოტა ხნის წინ ნორთმა 15 წლის ამერიკელ მოცეკვავესთან ერთად Youtube-ისთვის შოუს გადაღება დაიწყო, გარდა ამისა კანიეს საკვირაო ღონისძიებაზე ის მაკიაჟით შენიშნეს, რომელიც მის ასაკთან სავსებით შეუფერებელი იყო. თუმცაღა მიუხედავად ამ ყველაფრისა საზოგადოებას აგრესია არასოდეს გასჩენია მის მიმართ და ეს ყოველივე მხოლოდ და მხოლოდ გაოცებას იწვევდა და იწვევს. ამჯერად ნორთმა კიმის მაღალქუსლიანი ფეხსაცმელი მოიხდინა, რომლითაც საკმაოდ თავისუფლად გადაადგილდებოდა.
ქლოი კარდაშიანის შვილის, თრუ თომფსონის პირველ და გრანდიოზულ დაბადების დღეზე, რომელიც კალაბასასში გაიმართა კიმ კარდაშიანის უფროსმა შვილმა ნორთმა განსაკუთრებული ყურადღება მიიპყრო.
კიმმა ქალიშვილს მაღალქუსლიან ფეხსაცმელში სიარულისას ვიდეო გადაუღო, რომელიც გულშემატკივრებსაც გაუზიარა. ვიდეოში კიმი ნორთს ფეხსაცმლის გახდას სთხოვს, თუმცა ამის სანაცვლოდ ნორთი თავის უმცროს დას ხელში იყვანს და მასთან ერთად დადის.
