ბრედლი კუპერისა და ლედი გაგას ერთობლივი ფილმის, "A Star Is Born"-ის საუნდტრეკებმა, ფილმზე არანაკლები პოპულარობა მოიპოვეს. ამ სიმღერებს შორისაა 2019 წლის ოსკარების გამარჯვებული ჰიტი "Shallow", რომელიც ბრედლი კუპერმა და ლედი გაგამ უკვე არაერთხელ საკმაოდ ვნებიანად შეასრულეს.

მიუხედავად დიდი მოწონებისა სოციალურ მედიაში ვარსკვლავების პერფორმანსის სახალისო ვერსიებიც გამოჩნდა, ერთ-ერთი მათგანი კი ცნობილმა მსახიობმა სამუელ ელ ჯექსონმა და ოსკაროსანმა ქალბატონმა ბრი ლარსონმა ჯონათან როსის გადაცემაში შეასრულეს.

ეს სიმღერა ისევ ინარჩუნებს პოპულარობას, არამხოლოდ ჰოლივუდში არამედ საქართველოშიც. "საქართველოს ვარსკვლავის" ფინალში, წინა სეზონის მონაწილეებმა, მარიკო ლეჟავამ და ლევან მასპინძელაშვილმა სწორედ ეს ჰიტი შეასრულეს.