შობისა და ახალი წლის დღესასწაულები თითქმის ყველა ადამიანისთვის განსაკუთრებულია და ამის აღსანიშნავად ჩვენ საახალწლო დეკორაციებსა და სადღესასწაულო განწყობას ვიშველიებთ ხოლმე, თუმცა ყოველდღიურობის რადიკალური ცვლილება სპეციალურად ამ დღისთვის ნებისმიერი ადამიანისთვის განსხვავებულია. უინძორების სამეფო ოჯახის წევრები ამ დღეს განსაკუთრებული ცვლილებებით ხვდებიან და ჩვეულებრივ ადამიანებს ემსგავსებიან. წარმოგიდგენთ ბრიტანეთის სამეფო ოჯახის 9 ტრადიციას, რომელიც შესაძლოა თქვენთვისაც ძალიან ნაცნობი აღმოჩნდეს.

9. ნაადრევად იწყებენ მომზადებას

ახალი წლისთვის მზადებას ინგლისის დედოფალი ჯერ კიდევ ზაფხულში, აგვისტოს თვეში იწყებს. ამის მიზეზი კი ნაცნობებისა და ახლობლების აუარებელი რაოდენობაა - ინგლისის დედოფალი თითოეულ მათგანს უგზავნის ღია ბარათს, რომელსაც საკუთარი ხელით წერს. მათი რიცხვი კი ყოველწლიურად 750-ს შეადგენს.

8. შობის დღესასწაულს ქალაქარეთ აღნიშნავენ

ყოველ წელს სამეფო ოჯახი ლონდონიდან მოშორებით სანდირჰემის სასახლეში მიემგზავრება, რათა იქ აღნიშნოს შობისა და ახალი წლის დღესასწაული. დღესასწაულზე კი მხოლოდ ძალიან ახლობელი ადამიანები და ნათსავები იკრიბებიან, რომელთა რიცხვი 25-ს არ აღემატება. ეს ტრადიცია 1988 წლიდან იღებს სათავეს, მანამდე ელისაბედ მეორე და მისი და მარგარეტი უინძორების სასახლეში აღნიშნავდნენ ამ დღესასწაულს და სხვადასხვა წარმოდგენებსაც კი მართავდნენ. ორი კვირით ადრე კი ელისაბედ მეორე არა კერძო, არამედ საზოგადოებრივი ტრანსპორტით - მატარებლით მიემგზავრება ლონდონიდან.

7. დღესასწაულს მხოლოდ ოჯახის წევრები ესწრებიან

ოჯახური დღესასწაული - ოჯახური დღესასწაულია და ამას ძალიან კარგად იაზრებენ უინძორები. ამ დღეს დღესასწაულს აკლდებიან ოჯახის მეგობრები, შორეული ნათესავები და შეყვარებულებიც კი. თავის დროზე ქეით მიდლტონიც მათ სიაში შედიოდა და სანდრიგემის სასახლეში გამართულ საღამოს ვერ დაესწრო. ამჟამად კი ჰერცოგინიას ოჯახის წევრები ვერ ახერხებენ სამეფო დღესასწაულზე მოხვედრას.

6. თან მიაქვთ საკვები

ახალი წლის დღეებში სხვა ოჯახში სტუმრობისას საკვების მიტანა ყველასთვის ძალიან ნაცნობია, მათ შორის სამეფო ოჯახისთვისაც. ნებისმიერ კერძი, რომელსაც უინძორებთან მისული სტუმარი მიიტანს დედოფალი ელისაბედის თანხმობით სამეფო სუფრაზე ხვდება.

5. თამაშობენ სპორტულ თამაშებს

ტრადიციულად 24 დეკემბრის დილას უინძორების ოჯახის წევრები ფეხბურთის თამაშით იწყებენ. პრინც ჰარისთან და პრინც უილიამთან ერთად თამაში კი შეუძლიათ როგორც ნათესავებს, ასევე სასახლეში მომუშავე პერსონალს.

4. ჩუქნიან უხერხულ საჩუქრებს

დიდი ბრიტანეთის სამეფო ოჯახის წესდების მიხედვით ძვირადღირებული საჩუქრების ჩუქება არ არის მიღებული - პირიქით, საჩუქარი რაც შეიძლება სასაცილო და იაფფასიანი უნდა იყოს. ქეით მიდლტონმა პრინც ჰარის ერთხელ სათამაშო Grow Your Own Girlfriend აჩუქა. ამ სათამაშოს შიშველი ქალის ფორმა აქვს. პრინცმა ჰარიმ კი ბებიას ბანაობისთვის საჭირო ქუდი აჩუქა წარწერით - „Ain't Life a B*tch!“.

3. შობის მეორე დღეს საერთო გასართობს პოულობენ

უინძორებისთვის განსაკუთრებული დღეა 24 დეკემბერი, სწორედ ამ დღეს აღნიშნავენ ისინი შობას (25 დეკებრის დადგომისას). მეორე დღეს კი ყველა ვალდებულია დაესროს ეკლესიაში შობას შემდეგ კი სურვილისამებრ, დარჩეს სასახლეში ან დატოვოს ის. თუმცა ეკლესიიდან დაბრუნების შემდეგ იწყება განსაკუთრებით საინტერესო პროცესი - მთელი ოჯახი საერთო გასართობს პოულობს, მაგალითად აწყობენ დიდ პაზლს ან უყურებენ ფილმს ერთად.

2. ნაძვის ხეს თებერვლამდე არ შლიან

სანდრიგემის სასახლეში დედოფალი ელისაბედი და ედინბურგის ჰერცოგი თებერვლის დადგომამდე რჩებიან. მათთან ერთად სასახლეში საახალწლო დეკორაციებიც რჩება. ეს ტრადიცია ელისაბედ მეორისთვის ძალიან მნიშვნელოვანია, რადგან სწორედ ასე იხსენებს ის მამამისს მეფე ჯორჯ მეექვსეს, რომელიც სწორედ სანდრიგემში გარდაიცვალა 1952 წლის 6 თებერვალს.

1. წესებს ხანდახან არღვევენ

ამ წელს უინძორების ოჯახი მეშვიდე პუნქს ივიწყებენ და სანდრიგემის სასახლეში პრინცი ჰარის შეყვარებულს მეგან მარკლს ეპატიჟებიან. კემბრიჯის ჰერცოგი კი შეიძლება სამეფო ოჯახთან ერთად არ შეხვდეს.