პრინცი ჰარი და მსახიობი მეგან მარკლი დაქორწინებას 2018 წლის 26 მაისს გეგმავენ. ცოტა ხნის წინ ცნობილი გახდა, თუ როგორი ტორტი სურთ შეყვარებულებს ცხოვრებაში ერთ-ერთ ყველაზე მნიშვნელოვან დღეს, ახლა კი გაირკვა ვისი ხილვა სურს პრინც ჰარის საკუთარ მეჯვარედ.

უკანასკნელი ცნობებით 33 წლის პრინცს მეჯვარის როლში მხოლოდ საკუთარი ძმის პრინცი უილიამის ხილვა სურს. „ჰარის რამდენიმე ახლო მეგობარი ჰყავს, თუმცა ეჭვიც არავის ეპარება, რომ ჰარი ამ საქმეს იულიამს ჩააბარებს“ - განაცხადა პრინცთან დაახლოებულმა პირმა.

სამეფო ოჯახთან დაახლოებული პირები იტყობინებიან, რომ ჰარიმ უკვე სთხოვა პრინც უილიამსს მეჯვარეობა. შეგახსენებთ, რომ პრინცესა დიანას უფროსი შვილის ქორწილში, სწორედ ჰარი იყო ძმის მეჯვარე. ვინ გახდება მეგან მარკლის მეჯვარე ჯერ უცნობია.

გამოცემა Daily Mail იუწყება, რომ მეგან მარკლის და პრინცი ჰარის ქორწილი ვესტმისტერის სააბატოში არ შედგება, რადგან მსახიობი განქორწინებულია და ამასთან, ის კათოლიკური ეკლესიის ერთგულია. შეგახსენებთ, სწორედ ვესტმისტერის სააბატოში გაიმართა პრინცი უილიამისა და ქეით მიდლტონის ქორწილი.