ამერიკულმა გამოცემამ Forbes-მა მსოფლიოში ყველაზე მაღალანაზღაურებადი მუსიკოსი ქალების ყოველწლიური რეიტინგი გამოაქვეყნა. სიის სათავეში პოპ-შემსრულებელი ბიონსე მოექცა. წელიწადში ის საშუალოდ 105 მილიონ დოლარს გამოიმუშავებს. აღსანიშნავია, რომ შემოსავლის ყველაზე დიდი ნაწილი მომღერალს 2016 წელს გამოშვებულმა სიმღერამ Lemonade მოუტანა, რასაც მსოფლიო ტურნე Formation World Tour დაერთო თან.

მეორე ადგილი ბრიტანელმა მომღერალმა ადელმა დაიკავა, რომელმაც 69 მილიონი დოლარის გამომუშავება შეძლო.

მესამე ადგილი პოპ-შემსრულებელმა ტეილორ სვიფტმა დაიკავა. მომღერალმა 2017 წელს იმიჯი სავსებით შეიცვალა და ახალი ალბომი Reputation გამოუშვა.

ათეულში მოხვდნენ:

სელინ დიონი (42 მლნ დოლარი)

ჯენიფერ ლოპესი (38 მლნ)

დოლი პარტონი (37 მლნ)

რიანა (36 მლნ)

ბრიტნი სპირსი (34 მლნ)

კეტი პერი (33 მლნ)

ბარბარა სტრეიზანდი (30 მლნ)

ნოემბრის დასაწყისში Forbes-მა ყველაზე მაღალანაზღაურებადი იმ ვარსკვლავების სია გამოაქვეყნა, რომლებსაც ჯერ 30 წელი არ შესრულებიათ. რეიტინგში პირველი ადგილი კანადელ მომღერალს The Weeknd-ს ერგო, რომელმაც 92 მილიონი დოლარის გამომუშავება შეძლო.