ოქტომბერში გავრცელდა ხმები, რომ ტრილოგიის „გრეის ორმოცდაათი ელფერი“ 28 წლის ვარსკვლავი დაკოტა ჯონსონი Coldplay-ის 40 წლის სოლისტს კრის მარტინს ხვდება. ახლა კი თვითმხილველებმა გაავრცელეს ინფორმაცია, რომ მსახიობი ჯგუფის კონცერტს ბუენოს-აირესში დაესწრო.
დაკოტა ჯონსონი კონცერტზე სპეციალურად ლოს-ანჯელესიდან გაფრინდა. ის არა მხოლოდ მსმენელი იყო, არამედ სპეციალურ ლოჟაში იჯდა, რომელიც კოლექტივის წევრებისთვისაა განკუთვნილი. მსახიობმა სიამოვნება სასმელისა და კარგი მუსიკის მოსმენით მიიღო.
შეგახსენებთ, კრის მარტინი 10 წლის განმავლობაში იყო დაქორწინებული გვინეტ პელტროუსთან, რომელთანაც ორი შვილი - ეპლი და მოზესი ჰყავს. განქორწინების შემდეგ ის მსახიობ ჯენიფერ ლოურენსს და ანაბელ უილისს ხვდებოდა, ცნობისთვის ეს ქალბატონებიც დაკოტასავით ესწრებოდნენ მომღერლის კონცერტებს. თუმცა სერიოზული და ხანგრძლივი ურთიერთობა განქორწინების შემდეგ არ ჰქონია, მისი ყოფილი მეუღლე კი სცენარის ბრედ ფელჩაკს ხვდება.