გამუდმებით იდეალური ქალის როლის მორგება დამღლელია, როგორც ჩვენთის, ასევე მამაკაცისთვისაც, რომელსაც ვხვდებით. ამის მიუხედავად ჩვენ მაინც ვცდილობთ შევინარჩუნოთ ის იმიჯი, რომლითაც გაგვიცნეს და ვიყოთ ქალის იდეალი - მოწესრიგებული, ლამაზი, კეთილი, თბილი და ა.შ... მაგრამ რამდენად მოსწონთ ასეთი იდეალური ქალები მამაკაცებს ეს კიდევ საკითხავია. მამაკაცების უმრავლესობისთვის უნაკლო ქალი ცოტა საშიშადაც კი აღიქმება, სწორედ ამიტომ გაგაცნობთ რამდენიმე ჩვევას, რომელიც მამაკაცებს ქალებში ძალიან იზიდავთ.
სიზარმაცე
ბავშვობაში, როდესაც ჩვენთვის საინტერესო საქმით ვიყავით გართულები მშობლები ხშირად გვსაყვედურობდნენ: „მოეშვი მაგ თამაშს და დაალაგე შენი ნივთები!!“, „ასეთი ზარმაცი არავის არ შეუყვარდები“ და სხვა უამრავი მსგავსი საყვედურებით გვავსებდნენ, მაგრამ ჩვენ პატარები აღარ ვართ და სრული უფლება გვაქვს ვაკეთოთ ის რაც გვსურს, თუნდაც ეს ტელევიზორთან მყუდროდ მოკალათება და დივანზე ორცხობილების ჭამა იყოს. მამაკაცებს მოსწონთ ასეთი ქალები, რადგან ბავშვობაში მათაც ჰყავდათ მშობლები, რომლებიც არ აძლევდნენ საყვარელი საქმით დაკავების უფლება, მანამდე, სანამ საწოლს არ გაასწორებდნენ. ამიტომ იმის გააზრება, რომ თქვენ არ დაელაპარაკებით მათ საყვადურით უკვე მიმზიდველი აზრია.
ინდიფირენტეულობა
მამაკაცების უმეტესობა ქალებისგან განსხვავებით დეტალებზე ყურადღებას არ ამახვილებს, მითუმეტეს თუ ეს დეტალი ისეთი პატარაა, როგორიც ფრჩხილზე ლაქის გაფუჭება. მამაკაცებს აღიზიანებთ, როდესაც ქალი პატარა პრობლემის შექმნისას პანიკაში ვარდება. მათთვის ეს უცხოა, რადგან მამაკაცები პრობლემის შექმნისას ძირითადად მის გადაჭრაზე იწყებენ ფიქრს და მთელს ენერგიას ისტერიკებში არ ხარჯავენ.
მხიარულების ნაკლებობა
ალბათ დააკვირდებოდით, რომ მხიარულ გოგონებს ყოველთვის უფრო მეტი თაყვანისმცემელი ჰყავთ ვიდრე სერიოზულებს. მამაკაცებს ძაბავთ მუდამ სერიოზული ქალები, რომელთა გამხიარულებაზეც სულ თვითონ უწევთ ფიქრი. არადა მათთვის მნიშვნელოვანია, რომ მათ გვერდში მყოფი ქალი ბედნიერი იყოს. ზედმეტად სერიოზულ ქალებს ძირითადად ის მამაკაცები ირჩევენ, რომელთაც გზის გაკვლევა თავისით უჭირთ და სჭირდებათ ქალი, რომელიც მათ დაეხმარება.
გამოცდილი ქალები
ქალების უმრავლესობა საკუთარი ყოფილი შეყვარებულების რაოდენობას, ძირითადად შემთხვევაში, არ ასაჯაროებს და უფრო მეტიც - მალავს კიდეც. ხშირად გვგონია, რომ ჩვენი ამჟამინდელი შეყვარებული განაწყენდება, თუ გაიგებს იმ ბიჭების ზუსტ რიცხვს ვისთანაც ურთიერთობა გვქონია, თუმცა ეს ასე არ არის. მამაკაცებს მოსწონთ გამოცდილი ქალები, რადგან ასეთმა ქალებმა უფრო კარგად იციან რა სურთ და ერთ მშვენიერ დღეს არ დაიწყებენ წუწუნს იმის შესახებ, რომ მათ სულ სხვანაირი ურთიერთობა სურდათ.
ზედმეტი ემოციურობა
არსებობს მოსაზრება, რომ მამაკაცებს ქალების ზედმეტი ამოციურობა აშინებთ, განსაკუთრებით ხასიათის ხშირი ცვლილება და სენტიმენტალურობა, თუმცა ეს ასე არ არის. სინამდვილეში მამაკაცებს აშინებთ ქალები, რომლებიც წყენას მალავენ და უბრალოდ იცვლიან ხასიათს. თუ თქვენ აუხსნით საყვარელ ადამიანს, თუ რატომ ხართ ცუდ ხასიათზე ის უბრალოდ ეცდება თქვენს გამხიარულებას, განსაკუტრებით იმ შემთხვევაში თუ თქვენს უარყოფით განწყობაში თვითონ არიან დამნაშავეები.
„მამაკაცური“ ხასიათი
ქალების დიდ ნაწილს ეჩვენბა, რომ ის საკმარისად მამაკაცური არ არის. არავის არ უყვარს პირფერი ადამიანები. თუ ქალი იმ თვისებებით გამოირჩევა, რომელითაც ზოგადად მამაკაცები ხასიათდებიან, მაგალითად: პრობლემის მარტივად გადაჭრა, ნაკლები ისტერიკა, პასუხისმგებლობის საკუთარ თავზე აღების უნარი და სხვა, მამაკაცისთვის ასეთი ქალი ბევრად უფრო მიმზიდველია.
