ცხოვრების სხვადასხვა ეტაპზე შესაძლოა სხვადასხვა ინტერესები გაგვიჩნდეს - შეგვეცვალოს შეხედულებები, პრიორიტეტები და ამასთან ერთად შევიცვალოთ საყვარელი ადამიანიც. ჩვენს სინამდვილეში ორი ადამიანის განშორება საკმაოდ ხშირია, თუმცა იშვიათია წყვილები, რომლებიც გარკვეული პერიოდის შემდეგ ისევ აგრძელებენ ურთიერთობას. ჩვენი დღევანდელი სტატიაც სწორედ ასეთ წყვილებზეა - ცნობილი წყვილები, რომლებიც დიდხნიანი დაშორების შემდეგ დაუბრუნდნენ ერთმანეთს.
სელენა გომესი და ჯასტინ ბიბერი
წყვილმა ერთმანეთი 2010 წელს გაიცნო, მაშინ სელენა 16, ხოლო ჯასტინი 17 წლის იყო. ორი წლის განმავლობაში წყვილი ძალიან ბედნიერად გამოიყურებოდა, მუდამ ერთად ისვენებდნენ და თავისუფალ დროსაც ერთმანეთის გარემოცვაში ატარებდნენ, თუმცა 2012 წელს განუყრელი შეყვარებულები ერთმანეთს დაშორდნენ. პერიოდულად ისინი მაინც ხვდებოდნენ ერთმანეთს, თუმცა ირწმუნებოდნენ, რომ ეს მხოლოდ მეგობრობა იყო. რამდენიმე დღის წინ კი ინტერნეტში გავრცელდა სურათები, სადაც ისინი შეყვარებულებივით იქცევიან და არც პაპარაცებისგან ცდილობენ დამალვას.
ბრუკლინ ბექჰემი და ქლოე მორეცი
როგორც სჩანს დევიდ ბექჰემის უფროსი შვილი მონოგამია, ისევე, როგორც მამამისი. ბრუკლინმა მსახიობ ქლოე მორეცთან შეხვედრა 2014 წელს დაიწყო. წყვილი ერთმანეთის შესახებ საუბარს არ ერიდებოდა და ხშირად ერთმანეთს უტყდებოდნენ სიყვარულში საჯაროდ, თუმცა 2016 წელს მათ ურთიერთობა გაწყვიტეს, მაგრამ არც cialis 20mg თუ ისე დიდი ხნით. ბრუკლინი ლონდონიდან ნიუ იორკში გადავიდა სასწავლებლად, ახლა წყვილი ერთ ქალაქში ცხოვრობს და მთელს თავისუფალ დროს ერთად ატარებს.
ქეით მიდლტონი და პრინცი უილიამი
ჰერცოგინია და პრინცი ამჟამად მესამე შვილის დაბადებას ელოდებიან, თუმცა მათი ქორწინება შეიძლება საერთოდაც არ შემდგარიყო. ქეით მიდლტონმა და პრინცესა დიანას უფროსმა ვაჟმა ურთიერთობა 2004 წელს დაიწყეს, 2007 წელს კი ერთმანეთს დაშორდნენ, თუმცა მხოლოდ სამი თვით. მათი დაშორების მიზეზი კი ქეითის მიმართ პრესის გადაჭარბებული ყურადღება იყო, საბოლოოდ ნამდვილმა სიყვარულმა გაიმარჯვა.
როუზ ლესლი და კიტ ჰარინგტონი
სერიალის „სამეფო კარის თამაშები“ გმირების რომანმა ეკრანებიდან რეალურ ცხოვრებაში გადმოინაცვლა - ხუთწლიანი ურთიერთობის შემდეგ წყვილი დაქორწინებასაც გეგმავს, თუმცა 2013 წელს ისინი რამდენჯერმე დაშორდნენ ერთმანეთს, საბედნიეროდ ამ შემთხვევაშიც ნამდვილმა სიყვარულმა გაიმარჯვა.
ჯასტინ ტიმბერლეიკი და ჯესიკა ბილი
წყვილმა ერთმანეთი „ოქროს გლობუსის“ ცერემონიალზე 2007 წელს გაიცნო და მათი რომანიც ძალიან მალე დაიწყო, თუმცა 2011 წელს ისინი ოფიციალურად დაშორდნენ ერთმანეთს. 2012 წელს კი მათ საიდუმლო ქორწილი გადაიხადეს და 2015 წელს პირველი შვილი სილას რენდალიც შეეძინათ.